ILOILO CITY – Ginpangunahan sang mga opisyal sa syudad sang Iloilo ang programa may kaangtanan sa pagdumdum sang ika-156 nga anibersaryo sang pagkabun-ag ni Gat. Andres Bonifacio.
Lakip sa mga opisyal sang syudad nga nagtambong amo sanday Iloilo City Mayor Jerry Treñas kag Vice Mayor Jeffrey Ganzon samtang ang tiglawas naman ni Iloilo City Lone District Rep. Julienne ‘Jam Jam’ Baronda ang nagtambong sa kahiwatan.
Magluwas sa wreath laying sa monumento ni Gat. Andres Bonifacio, nagserbe nga inspirational speaker si Dorothy Tarol, Special Education teacher kag guidance counselor sang Special Education-Integrated School for Exceptional Children.
Si Tarol ang isa sa most outstanding teacher sa Pilipinas.
