Nagapabilin nga yara sa negosasyon ang proposal nga bulk water supply sang Aboitiz Group sa Iloilo City government.
Sa interview sang Bombo Radyo kay Atty. Dave Garcia, vice chairman sang Committee on Public Private Partnership, iya gin-athag nga ginbaton nila ang offer apang wala pa ini gin-aprobahan.
Suno kay Garcia, mahimo pa nga ma-reject ang proposal sang Aboitiz Group.
Isa naman sa ginalantaw sang natungdan kon ngaa yara pa lang sa negotiation level ang offer amo bangud sa rate sang ila bulk water supply nga P51.80 per cubic meter.
Ginpahayag man sini nga sa updated nga request of reconsideration sang Aboitiz Group, halin P51.80 ginpanubo-an ini sa P37 per cubic meter.
Ini man ang rason nga ginabinag-binag sang komitiba nga mahimo hatagan sang tsansa ang offer sang nasambit nga water supplier.
