Ginhatagan sang igtalupangod sang isa ka public health expert ang disbentaha sang paghuragok sa ikaayong-lawas sang isa ka indibidwal.
Sa interview sang Bombo Radyo kay Dr. Rosauro Cabana, Medical Specialist II sa Western Visayas Medical Center, iya ginpahayag nga ang sleep apnea ukon huragok ang isa ka common nga kondisyon nga kalabanan gina-disregard kag ginakabig nga normal.
Apang suno sa natungdan, indi ini normal kag nagapakita nga ang parte sang alagyan sang hangin ang partially nagasirado.
Gin-athag man sini nga may mga critical point nga nakatabo samtang nagahuragok kon sa diin, mahimo nga totally nagasirado ang alagyan sang hangin.
Ginpahayag man sini nga ang amo nga kondisyon ang isa ka genetics sugod sang ginbun-ag ang isa ka tawo.
Ini bangud man sa bone structure ukon facial structure nga mahimo makuha sa mga ginikanan.
Nahibaluan nga ang sleep apnea ukon huragok ang nagakatabo samtang nagakatulog ang isa ka tawo.
