Nagsabat na si former senator Paolo Benigno “Bam” Aquino sa kontrobersyal nga isyu sa Maharlika Wealth Fund.
Ini matapos ginpahayag ni Ilocos Norte Rep. Ferdinand Alexander Sandro Marcos nga apisar inisyatibo niya kag sang iya amay nga si President Bongbong Marcos ang Maharlika Wealth Fund, una na nga daan nga nahimo ang ideya sang sovereign wealth fund paagi kay former Senator Bam Aquino kag Senator JV Ejercito sa nagligad nga Congress.
Ang presidential son amo subong ang House Senior Deputy Majority Leader kag amo ang co-athor sang amo nga hagna kaupod sa iya tiyo nga si House Speaker Martin Romualdez.
Malawig na ang istorya sang political rivalry sa tunga sang mga Marcos kag Aquino nga naghalin pa sang 1960’s sang tion nanday former Senator Ninoy Aquino kag anay-President Ferdinand Marcos Sr.
Si Bam Aquino naman ang hinablos ni Ninoy kag pakaisa ni late President Noynoy Aquino.
Ang komento naman ni Sandro Marcos ang suportado ni former President kag subong Senior Deputy Speaker Gloria Macapagal Arroyo nga nag-endorse man sang sovereign wealth fund proposal.
“If you think about it, this isn’t a new idea. Sec. Diokno already said they were looking at it during the time of Duterte. If I’m not mistaken former Senator Bam Aquino filed a bill in 2016 trying to do the same thing. I guess, my guess is because di naipasa dahil patapos na ang administrasyon ni former President PNoy I believe Senator JV also nagfile ng bill, it’s not a new idea.,” suno sa presidential son.
Sa sabat ni Bam Aquino, ginkwestyon sini ang timing sa pagduso sang sovereign wealth fund. Matuod suno kay Aquino nga isa ini ka long term nga paagi agud nga palawigon pa ang manggad sang pungsod, apang dapat anay nga busision kun husto bala ang timing sa pagduso sini.
“Pangkaraniwan ang pagkakaroon ng SWF sa buong mundo, at isa itong long-term na paraan upang palawigin ang yaman ng isang bansa. Pero ang tanong, tama ba ang timing?”
Depensa pa ni Aquino, may duha ka kinalain ang iya nga proposal sang 2016 ipaanggid sa proposal sang mga Marcos subong nga 2022.
Una suno sa anay senador, sang 2016, maayo ang ekonomiya sang Pilipinas, manubo ang utang, kag manubo man ang inflation rate — lain ipaanggid sa 2022 nga mahal ang balaklon, kag naghinay man ang ekonomiya bangud sa pandemya.
Ikaduha nga kinalain suno kay Aquino, sa iya nga proposal sang 2016, kuhaon ang pondo halin sa budget surplus ukon sobra sa budget, indi kaangay subong nga 2022 nga halin sa pension funds.
“Ang ginagamit na pondo para sa isang sovereign wealth fund ay karaniwang surplus o sobra ng budget dahil may posibilidad na malugi ang isang sovereign wealth fund. Klaro na hindi dapat galing sa mga pensyon ng mga manggagawa ang mga pinagkukuhanan nito,” pahayag sang former senator.
Nahibaluan nga ang proposed Maharlika Wealth Fund ang magakuha sang P275 billion halin sa government pension funds kag mga bangko para sa pag-invest sa big-ticket national development projects kag iban pa nga assets.
