ILOILO – Magapatawag ang hearing in aid of legislation ang Sangguniang Panlalawigan natuhoy sa mga nakit-an nga armado nga mga lalaki nga nagparada kaangot sa Fiesta sang Ajuy, Iloilo.
Sa interview sang Bombo Radyo kay Iloilo 5th District Board Member Atty. Carol-V Espinosa-Diaz, iya ginpahayag nga una na ini nga nagpadala ini sang sulat kay Iloilo Police Provincial Office Director Police Col. Bayani Razalan agud ma-imbestigaran ang natabo.
Suno kay Diaz, sa patigayunon nga hearing luyag sini nga ipatawag ang Security Agency nga nagpadala sang ila mga armado nga security personnel.
Ginpaintindi man sang natungdan nga santo sa layi, indi mahimo magdala sang mga armas ang security personnel kun indi na sakop sang ila area of jurisdiction.
Gin-athag man ni Diaz nga wala sang lamod pamolitika ang iya pag-kwestyon sa hitabo.
