Balik sa pwesto ang former president sang Brazil nga si Luiz Inácio Lula da Silva matapos ginlutos sa presidential election ang incumbent nga right wing populist nga si Jair Bolsonaro.
Nadag-an ni Lula ang 50.9 percent sang boto sang mga residente nga bastante na agud mapyerde si Bolsonaro.
Ginakabig ini nga stunning comeback bangud sang nagligad nga presidential election sang 2018, indi makapadalagan si Lula bangud napreso ini kag gindumilian nga mag-uyat sang opisina sang gobyerno.
Ginpamatbatan anay ini nga guilty sa pagbaton sang bribe halin sa Brazilian construction firm bilang bayad sa kontrata sa state oil company nga Petrobras.
Naglawig man sang 580 ka adlaw ang tinir ni Lula sa presuhan antes gin-annul ang iya nga conviction.
Wala pa sang official statement gikan kay Bolsonaro, apang ginbaha naman sang pagpanginbulahan si Lula lakip na ang greetings gikan kay US President Joe Biden, Russian President Vladimir Putin, Narendra Modi sang India, kag UK Prime Minister Rishi Sunak.
