Magapatigayon sang tatlo ka-adlaw nga COVID-19 vaccination ang syudad sang Iloilo.
Ini ang magaumpisa subong nga adlaw, Hunyo 21 tubtob sa Myerkules, Hunyo 23.
Sa interview sang Bombo Radyo kay Mr. Jeck Conlu, spokesperson sang COVID-19 Team sang Iloilo City Government, iya ginpahayag nga nagakadapat nga lantawon gid sang mga vaccinees sa ila ticket kun ano oras ang schedule sa pagpabakuna kag kun sa diin magapadulong nga vaccination site.
Suno kay Conlu, sa tion nga madugangan ang gindonar nga mga bakuna sa syudad, mahimo nga palawigon sa byernes, Hunyo 25 ang COVID-19 vaccination.
Abiso sang natungdan sa mga may schedule sa pagpabakuna, nagakadapat nga magpamahaw antes maghalin sa mga balay, dal-on ang ticket, sundon ang schedule sang pagpabakuna, magdala sang ballpen, sanitizer ukon alcohol, kag magsuksok sang facemask kag faceshield.
