Aprubado na sang Food and Drug Administration ang COVID-19 test kits nga gindevelop sang mga scientists sang University of the Philippines-National Institute of Health.
Suno kay Food and Drug Administration Director General Eric Domingo, mahimo na nga magamit ‘for commercial use’ ang nasambit nga polymerase chain reaction test kits.
Madumduman nga una na nga ginpahayag ni Department of Science and Technology Sec. Fortunato de la Peña nga makaupod nila ang University of the Philippines-National Institue of Health sa ginapatigayon nga field implementation sang kits sa Abril 24 kag 25.
Sa subong, may yara na sang 21 ka brand sang Reverse transcription polymerase chain reaction kits nga gin-aprubahan sang Food and Drug Administration.
Samtang may yara naman sang siyam nga rapid antibody test kits nga mahimo naman magamit apang nagakadapat nga sundon ang pagsulundan nga ginhatag sang Department of Health.
