Wala sang preferred ukon specific nga brand sang COVID-19 vaccines para sa mga cancer patients ukon may history sang nasambit nga balatian.
Sa interview sang Bombo Radyo kay Dr. Anita Jesena, Oncologist, iya ginpahayag nga ang mga tawo nga may cancer ukon may history sang sini nga balatian, ang mahimo makapabakuna sa bisan ano nga brand sang COVID-19 vaccine nga aprubado sang Food and Drug Administration (FDA).
Suno kay Jesena, importante man nga antes magpabakuna ang isa ka pasyente nga may cancer, nakapakig-angot kag may abiso ini nga nabaton sa iya personal nga medical specialist ukon medical oncologist.
Pahayag sang doktor, ang tanan man nga COVID-19 vaccine nga may yara sang emergency use authorization (EUA) ang epektibo kag safe nga gamiton.
Nakadepende man suno kay Jesena sa rekomendasyon sang medical doctor sang isa ka cancer patient kun san-o ini nagakadapat nga magbaton sang COVID-19 vaccination.
