Ginhangkat ni Vice President Sara Duterte si Defense Secretary Gilberto Teodoro Jr. nga pangalanan ang mga opisyal sang gobyerno nga iya ginatudlo nga nagasuporta sa China sa isyu sang West Philippine Sea.
Suno kay Duterte, kinahanglan klaruhon sa publiko kon sin-o gid ang ginapatungdan ni Teodoro sa iya pahayag.
“Siguro para klaro sa lahat ng mga kababayan natin, dapat pangalanan kung sino ‘yung mga officials na tinutukoy niya na nagde-defend sa China over the West Philippine Sea issue,” pahayag ni Duterte sa interview sa Davao City.
Suno pa sa Bise Presidente, indi dapat magbuya sang seryoso nga akusasyon kun wala man ginapangalanan ang mga opisyal nga involved.
“Kasi hindi puwedeng magbitaw ka ng ganoon na salita, hindi mo naman pangalanan ‘yung mga opisyal,” dugang pa niya.
Kun wala sang ginpaguwa nga pangalan suno kay Duterte, mahimo man nga makabig bisan si President Ferdinand Marcos Jr. sa mga ginapatungdan.
“Siyempre suspect kahit ang Presidente natin, kasali sa suspect doon kasi walang pangalan, walang listahan ng pangalan eh,” suno pa sa iya.
Ini nga pahayag ni Duterte ang kasunod ang panawagan ni Sec. Teodoro nga dapat ikonsiderar sang mga opisyal sang gobyerno ang pag-resign kun indi nila masuportahan ang opisyal nga panindugan sang gobyerno sa isyu sang West Philippine Sea.
Una na nga nagsabat si Davao City 1st District Representative Paolo “Pulong” Duterte nga wala nauyunan ang pahayag sang Defense Secretary. Ginsilingan sini ang tiglikom nga untatan ang pag-demonize sa China.#
