ILOILO CITY- Nagpagsik pa gid ang isa ka 81- anyos nga lola matapos malawagan ang iya pangalan bilang daily draw winner sa Buena Mano Salvo Part 15 promo sang Bombo Radyo kag Star FM.
Sa interview sang Bombo Radyo kay Basilisa Caimoso sang Buga, Leon, Iloilo, iya ginpahayag nga tuman ang iya kalipay nga nagdaug siya sang P1000 nga premyo nga ginabug-usan sang P500 cash kag P500 nga balor sang gift pack nga nasulod sa balde nga Orocan.
Suno kay Caimoso, ginpangamuyo gid niya nga magdaug sa promo kag ini ang ginsabat gid sang Diyos.
Ginpabugal pa sang 81 anyos nga lola ang iya pagkamaukod nga tagpalamati sang Bombo sa diin bitbit gid niya ang iya radyo 24 hours a day rason nga siya gid ang nakabati sang ginlawag ang iya pangalan bilang winner.
