2 ASEAN declaration ginalauman nga madihon sa ministerial meeting sa Iloilo

ILOILO CITY – Nagalaum si Department of Social Welfare and Development Secretary Judy Taguiwalo nga mahuman ang duha ka deklarasyon may kaangtanan sa ginaduso nga people-centered Association of Southeast Asian Nations (ASEAN), kadungan sang ginapatigayon nga ministerial meeting sa Iloilo City.
Sa pagsugod sang 17th ASEAN Socio-Cultural Community Council Meeting kun sa diin nagaserbe nga chairperson si Taguiwalo, ginpahayag sang tiglikom nga nagalaum sila nga mahuman na ang ASEAN declaration para sa papel nga tungdan sang gobyerno sang tagsa ka mga nasyon nga miyembro sang organisasyon, para malab-ot ang ASEAN community vision sa 2025.
Ang isa pa ka deklarasyon amo ang responsibilidad sang ASEAN nga iduso ang kinamatarong sang mga migrant workers.
Suno kay Taguiwalo, sa sulod sang isa ka dekada, nagtinguha ang Pilipinas para mapasar ang ASEAN declaration para sa proteksyon sang mga migrant workers kag kuntani maaprubahan na subong nga tuig.
Kadungan sang International Women’s Day, gintagaan importansiya ni Sec. Taguiwalo ang pagkilala sang ASEAN sa kinamatarong sang mga kababaihan kag gender equality, pagdula sang pagpang-abuso kag deskriminasyon para sa mga kababaihan.