THAILAND– Isa sa mga ginakabig naton nga modern heroes amo ang aton mga manunudlo bangud sa mga sakripisyo nila agud matudluan lang kita sang maayo sa eskwelahan.
Didto sa Thailand, may yara sang isa ka pinasahi nga manunudlo.
Pinasahi bangud indi sya kaangay sang iban nga mga manunudlo.
Sya si Teacher Bally 29 anyos, isa ka English teacher sa Prasartratprachakit School.
Gina idolo gid sang mga estudyante niya si teacher Bally bangud sa pinasahi sini nga pamaagi sa pagtudlo.
Si Teacher Bally ang naka kuntodos make up kun mag tudlo.
Take note, indi lang normal kag light make up ha.
Ang iya make up heavy gid daw kaangay sang isa ka drag queen.
Suno kay Teacher Bally iya ini nga pamaagi agud mas makuha ang atensyon sang iya mga estudyante kag indi sila mahuya nga mag partisipar sa klase.
Nalingaw naman ang mga estudyante ni Teacher Bally sa iya pinasahi nga pagtudlo.
