Wala nalakip sa 2020 nga transaksyon sang Iloilo City Government ang masobra P233 Million nga unliquidated expenses nga gin-isyuhan sang Commission on Audit (COA) sang notice of suspension kag notice of disallowance.
Nahibaluan nga santo sa COA, nagdangat sa masobra ₱86 Million ang total audit suspensions sang syudad kag ini ang ginalakipan sang mga ginpamakal nga motor vehicles nga nagabalor masobra sa ₱25 million.
Gintukso sang COA ang ginpamakal sang gobyerno nga motor vehicles bangud wala sang supporting documents kag wala man sang authorization ang procurement transaction nagikan sa Secretary sang Department of Interior and Local Government.
Ang total audit disallowance naman as of December 31, 2020 ang naglab-ot sa masobra ₱146 Million.
Ang nasambit nga kantidad ang ginalakipan sang ₱488,328 nga travel allowances sang City officials kag employees, masobra ₱24 Million para sa Productivity Enhancement Incentive; kag masobra ₱19 Million nga gin-isyu sang Special Audit Team para sa construction sang bag-o nga Iloilo City Hall.
Ang pagpaggwa sang syudad sang amo nga pondo ang nakitaan sang COA nga wala sang valid appropriation ukon ligal nga basehan.
Sa interview sang Bombo Radyo kay Michelle Lopez, head sang Iloilo City Accounting Office, iya ginpahayag nga sa idalom sang administrasyon ni Iloilo City Mayor Jerry Treñas, wala sang gin-isyu ang COA sang notice of suspension kag notice of disallowance.
Suno kay Lopez, tuig 2019 pa ang expenditures nga gintukso sang COA sa diin ini nga mga transaksyon ang nahitso naman subong.
Angot naman sa ₱488,328 nga travel allowances sang City officials kag employees sang 2019, gintukso ini sang COA nga wala sang voucher bangud payroll ang ila gingamit sadto agud mas mapadali ang transaksyon.
