Ginahitso pa ang executive order ni Iloilo Governor Arthur Defensor, Jr. may kaangtanan sa pagnubo sang alert level status sang probinsya.
Epektibo subong nga adlaw, yara na sa Alert Level 2 ang Iloilo Province, kag magalawig ini tubtub sa Marso 15.
Sa interview sang Bombo Radyo Iloilo kay Defensor, iya ginpahayag nga lakip sa importante nga mga pagbag-o sa probinsya amo ang:
- ginapahanugutan nga capacities sa mga business establishments kun sa diin naga-close contact ang mga tawo; posible halug-halugan na bangud mas manubo ang classification sang probinsya
- dugangan man ang flights (sandig sa request sang airlines)
Wala sang pagbag-o sa travel protocols suno sa gobernador.
Wala na sang RT-PCR test requirement para sa fully-vaccinated travelers ukon sa returning residents kag non-residents apang required ang COVID-19 Vaccination Certificate.
Ang mga unvaccinated naman ukon ang mga indi fully-vaccinated ang gina-require nga magpresentar sang negative RT-PCR test result nga gin-isyu sa sulod sang 72 ka oras antes ang byahe sa probinsya sang Iloilo, MAGLUWAS lang sa mga naga-edad 5-anyos panubo.
Magapabilin naman ang S-PASS PERMIT bangud mandu ini halin sa national government suno kay Defensor kag kinahanglan sa monitoring sang mga banwa.
