Gin-report sang Bureau of Customs (BOC) nga 100 ka kaso-kriminal ang napasaka subong nga tuig batok sa importers kag custom brokers nga ginaalegar involved sa agricultural smuggling.
Ginpasaka sang Customs Action Team ang reklamo sa Department of Justice (DOJ).
Dala man diri ang naglapas sa customs rules and regulations amo man sa health and safe standards.
Suno pa sa ahensya, at least 21 ka iban pa nga customs brokers ang nagapangatubang sang administrative cases.
Ginpahayag nga ang na-smuggle nga agricultural goods nga nakumpiskar halin sang Enero tubtub subong nga Disyembre ang may balor nga P1.205 billion.
Kun matandaan, ang latest reported incident sang agricultural smuggling amo ang na-intercept sang otoridad nga ginabanta 100,000 kilograms sang smuggled yellow onions balor P30 million nga ginkarga sa apat ka dalagku nga container vans. ##
