ILOILO CITY – Nagpasalamat ang “Queen of All Media” nga si Kris Aquino sa tanan nga nagpangamuyo para sa iya recovery.
Si Kris ang sa subong yara sa Estados Unidos upod sa iya mga anak nga sanday Joshua kag Bimby samtang nga nagapakigbato sa multiple auto-immune diseases.
Suno sa anay TV host-actress, ang kadam-an sang nagbulig pangamuyo sa iya amo ang mga call center agents nga nag-handle sang iya mga calls kadungan sang pagtinguha niya nga mapalawig pa ang pagtinir sang iya pamilya sa America samtang nagapabulong.
Ginpakigbahin man niya nga ang una nga cycle sang iya immunotherapy treatment ang magalawig tubtob 10 ka bulan.
