ILOILO CITY – Magapatigayon sang pinakadako nga joint military drills ang Pilipinas kag Estados Unidos sa masunod nga bulan.
Ang “Balikatan” ukon ‘shoulder-to-shoulder’ drills subong nga tuig ang isa sa tikang sang Pilipinas agud nga mabatuan ang agresibo nga Chinese actions sa West Philippines Sea.
Suno kay Colonel Michael Logico, director sang training center sang Armed Forces of the Philippines kag spokesperson para sa Balikatan, ang drill nga hiwaton sa Abril 11 tubtob 28 ang pasakupan sang 17,600 participants nagikan sa magtimbang nga bahin lakip na ang ginabanta 12,000 nagikan sa Estados Unidos.
Ini ang lakipan man sang ‘live fire exercises’ sa tubig.
Sang mga nagliligad, ang pinakadako nga joint drills ang ginpatigayon sang 2015 kun sa diin, masobra sa 11, 000 ka mga troops ang nagpasakup.
Ang larger-scale drills ang kasunod sang desisyon ni Presidente Ferdinand Marcos, Jr. nga palawigon pa ang access sang Estados Unidos sa military bases.
Ang Balikatan exercises ang hiwaton sa pila ka mga probinsya lakip na ang Palawan nga malapit sa West Philippines Sea.
Suno kay Logico, may yara man sang 111 participants nagikan sa Australian defense force apang ang ila nga pagpasakup ang limitado lamang sa “smaller land-based exercises.”
