Tuman nga kahadlok ang nabatyagan sang isa ka babaye sa Tagum City, Davao del Norte matapos diutayan lang sini maihian ang cobra sa basin sang ila kasilyas.
Suno kay Maven Fheb Clarabal, mangihi siya kuntani apang sang nagbukas siya sang pwertahan, may nakit-an siya nga duag itom nga iya gindumdom nga higko nga wala na- flush sang iya anak.
Una niya nga nadiskubre ang cobra sang nagligad nga Huwebes apang wala niya ini natabog.
Pagkasunod nga adlaw, liwat niya nga nakita ang cobra kag ginkuhaan sang letrato kag video apang nagsulod liwat sa basin ang cobra.
Bangud sa insidente, nabalaka ini para sa seguridad sang iya kabataan kag nagdulot man ini sang trauma sa iya sa paggamit sang ila kasilyas.
Suno sa mga eksperto, ang nasambit nga cobra ang isa ka Southern Philippine Cobra (Naja samarensis) nga tuman ka dalitan.
