Gintawag ni Iloilo City Mayor Jerry Treñas nga plastic si former Mayor Jed Patrick Mabilog.
Sa interview sang Bombo Radyo kay Mayor Treñas, iya ginpahayag nga gina-abi-abi niya ang paghatag sang executive clemency ni President Bongbong Marcos kay Mabilog kon sa diin, nag-congratulate pa ini sa pamilya sang anay alkalde.
Apisar sini, wala napunggan sang alkalde nga magpabutyag sang iya balatyagon batok kay Mabilog.
Suno kay Treñas, ginkakibot niya ang pagpang-atake sa iya ni Mabilog kasunod man sang ila nga pagkit-anay sa Iloilo City Hall.
Ginsaysay man sini nga pareho sila nga nagkup-anay kag naghibi pa sa isa kag isa.
Para kay Treñas, ginbaton niya sang maayo si Mabilog sa iya pagpadulong sa City Hall apang wala siya naglaum nga maghaboy sang tinaga ang anay akalde batok sa iya liderato.
Gin-ako man sini nga nagsakit ang iya nga buot apang wala siya sang may mahimo bangud yara sila sa pulitika kon sa diin, masami nagaplastikanay.
Apang, sa piyak sini, naghatag sang pagtamyaw si Treñas sa mga nangin maayo nga hinimuan ni Mabilog sa Iloilo City sang siya pa ang alkalde.
