Maga-import ang Pilipinas sang 1,520 ka mga kanding kag 4,310 ka mga karnero agud nga mas ma-improve ang domestic herd kag mabuligan ang meat production sa pungsod.
Ini kasunod sang pag-approve ni Agriculture Secretary Francisco Tiu Laurel Jr. sa plano para sa bulig sa genetic quality sang local livestock kag bilang parte sang pagpapag-on sang goat kag sheep farming sectors.
Suno sa ahensya, 155 Anglo Nubian bucks, 175 Boer bucks kag 1,190 Boer does ang mangin kabahin sang goat importation program. Tanan nga imported nga kanding ang ipanagtag sa nucleus and multiplier farms sa Barili, Cebu kag sa Makilala, North Cotabato.
Para naman sa iga-import nga karnero, lakip diri ang 260 Dorper rams kag 4,050 Dorper ewes nga igahatag naman sa North Cotabato.
Tanan nga imported nga sapat ang dapat nga six-15 months old ang edad kag may naka-set man nga kilos antes tugutan nga makasulod sa Pilipinas.
Ginalauman nga ini nga imports ang maka-supplement sa income sang farmers, makahatag sang trabaho, kag makasuporta sa food security efforts sa pungsod.
“This importation is part of ongoing efforts to boost the Philippines’ livestock industry, ensuring better quality herds and more sustainable meat production in the future. Raising small ruminants such as goats and sheep could supplement farmers income, generate employment and support food security efforts,” kabahin sang press release sang Department of Agriculture.#
