Kumbinsido ang pamilya sang lalaki nga nasapwan-patay sa gymnasium sa Barangay Gua-an, Leganes, Iloilo nga wala sang foul play sa kamatayon sini.
Ang biktima amo si Joel Caturas, 36, may live-in partner, residente sang Barangay Guinobatan, Leganes, Iloilo.
Sa interview sang Bombo Radyo kay Patrolman Jomar Nerios, imbestigador sang Leganes Municipal Police Station, iya ginpahayag nga nagapati ang pamilya nga wala sang rason para patyon ang ila himata kag wala man ini sang kaaway sa lugar.
Wala man sang pilas nga nakita sa lawas sini sang ini ang nasapwan.
Suno kay Nerios, nag-inom pa kahapon ang biktima sang makahulubog nga ilimnon sa tyangge sa kilid sang gymnasium.
Matapos sini, nagtulog na lang ini sa gymnasium sa diin nagahapa ang posisyon sini.
