Gin-release ni Pope Francis ang iya Pope Video agud updan ang iya prayer intention sa bulan sang Marso nga nagapang-agda sa tanan nga magpangamuyo para sa mga pamilya nga nagaatubang sang krisis.
Kabahin sang panawagan ni Pope Francis amo nga magpangamuyo para sa mga naguba nga pamilya nga madiskubrehan nila ang bulong sa ila mga pilas paagi sa pagpatawad, pagdiskubre liwat sang regalo sang isa kag isa bisan sa ila mga kinalain kag kinaiya.
Gin-record sang Pope ang audio para sa video antes siya gin-admit sa Gemelli Hospital sa Roma sang February 14, kun sa diin padayon siya nga nagabaton sang treatment para sa bilateral pneumonia.
