Nagdangat sa 17,646 ka mga applicants ang nagkuha sang Admission Exam sa nagkalain-lain nga campus sang West Visayas State University (WVSU) subong nga adlaw.
Sa nasambit nga numero, 10,491 ang nagkuha sa main campus kag 7,155 sa satellite campuses.
Ang first batch ang nagkuha sang pasinawan las 9:00 sa aga, samtang ang 2nd batch naman sang examination ang ginpatigayon 1:00 sang hapon.
Sa interview sang Bombo Radyo kay Liezel Aurora sang Barangay Inamyungan, Bingawan, Iloilo, iya ginpahayag nga gin-updan gid niya ang iya anak sa pagkuha sang pasinawan.
Suno kay Aurora las 3:00 pa lang sang kaagahon, nagbugtaw na sila kag las 5:00 sang kaagahon sang nagpadulong sa unibersidad.
Ginpahayag sini nga handom gid sang iya anak nga maka-eskwela sa WVSU bangud magluwas nga libre ang tuition, de kalidad ang education system.
Nagalaom man ang iya anak nga magkuha sang pre-med kag sa ulihi, makuha sang medisina.
