Saulogon sang Simbahang Katoliko ang 62nd World Day of Prayer for Vocations sa Mayo 11, Domingo.
Magadungan ini sa Fourth Sunday of Easter, nga kilala man bilang Good Shepherd Sunday.
Ini nga selebrasyon ang gin-establish sang 1964 ni Pope Paul VI kag nagapanawagan sa mga katoliko sa bilog nga kalibutan nga magpangamuyo para sa bokasyon sang pagkapari, pagka-diakono, kag konsagrado nga kabuhi.
Sa interview sang Bombo Radyo kay Rev. Fr. Nathaniel Gentizon, Spiritual Director sang St. Joseph Regional Seminary kag Director sang Commission on Vocation sang Archdiocese of Jaro, iya ginpahayag nga ang tema subong nga tuig amo ang “Pilgrims of Hope: The Gift of Life”, nga una na-highlight sa mensahe ni Pope Francis para sa okasyon.
Suno kay Father Gentizon, kaangay sang ginsiling ni Pope nga ang kada bokasyon, mangin ordained ministry, consecrated life, ukon lay service man, ini ang senyales sang paglaum sang Diyos para sa kalibutan kag para sa iy kabataan.
Ginaengganyo man ang tanan nga mangin “pilgrims of hope” paagi sa paghalad sang ila kabuhi bilang regalo paagi sa isa ka pagpanglakaton sa kalibutan nga may paghigugma kag serbisyo.
