Mismo si President Ferdinand Marcos Jr. ang naka-eksperyensya sang minor technical glitch sang nagboto siya subong nga aga sa isa ka eskwelahan sa Batac, Ilocos Norte.
Duha ka beses pa nga gin-feed ang iya balota antes ginbaton sang automated counting machine (ACM) sa bulig sang personnel sang Commission on Elections (Comelec).
Sa video sang RTVM Malacañang, nakit-an nga sang wala ginbaton sang ACM ang ballot bangud sa error, may gintawag nga personnel agud buksan ang makina, gin-reclaim ang ballot, kag gingulo liwat sang presidente.
Sang na-check na sini ang voter receipt nga ginpaguwa sang machine, ginbutangan na sang ink ang iya nga tudlo.
Yara sa syete minutos ang ginlawig sang pagboto sang president.
Kaupod sini nga nag-abot sa polling center ang iya utod nga si Irene Marcos, iloy nga si former First Lady Liza Marcos, kag bata nga si Rep. Sandro Marcos.
Maga-monitor si President Marcos sang election results sa iya pagbalik sa Manila.#
