Ginpangunahan ni President Ferdinand Marcos, Jr. ang ika-127 nga anibersaryo sang Philippine Navy subong nga adlaw nga ginhiwat sa Naval Operating Base sa Subic, Zambales.
Sa nasambit nga kahiwatan, ginkilala ni President Marcos Jr. ang importante nga papel sang Philippine Navy sa nagliligad nga eleksyon.
Suno kay Presidente Marcos, ginpakita sang mga katapo sang Navy ang ila resilience kag kaisog agud mapasiguro ang kalinong sa 2025 midterm elections.
Kaupod sang Presidente sa aktibidad amo sanday Defense Secretary Gilberto Teodoro, PCO Secretary Jay Ruiz kag AFP Chief of Staff Gen. Romeo Browner.
Ang highlight sang kahiwatan amo ang pagpakamaayo sang duha ka bag-o nga ginbakal nga patrol gunboats, ang PG909 kag guided-missile frigate FFG06 nga kabahin sang programa sa modernisasyon sang AFP.
Tema sang selebrasyon sang anibersaryo sang Hukbo: Addressing Challenges, Promoting Regional Stability and Strengthening Maritime Security.
