Gintay-og sang Magnitude 4.9 nga linog ang Sipalay City, Negros Occidental pasado alas 8:00 sang aga, Oktubre 7, 2025, kag nabatyagan man sa syudad sang Iloilo.
Madasig nga naggwa ang mga estudyante sang University of Iloilo-Phinma matapos mabatyagan ang pag-uyog sang duta.
Suno sa Philippine Institute of Volcanology and Seismology, ang linog may kadalumon nga 10 kilometros kag nahamtang sa 51 kilometros nakatungdan sang Sipalay City.
Ginreport nga Intensity II sa syudad sang Iloilo kag Instrumental Intensity I sa syudad sang Bago, Negros Occidental.
Wala naman sang ginreport nga nasamaran ukon pagguba sa mga propedad nga naapektuhan kag gilayon naman nga nag resume ang klase.
