Ginapanindugan ni Vice President Sara Duterte nga dapat malakip man si President Ferdinand “Bongbong” Marcos Jr. sa imbestigaran kaangot sa flood control scandal.
Base sa argumento sang bise-presidente, makit-an sa 2025 national budget ang nagapanguna kag mayor nga ebidensya sang mga anomaliya.
Pahayag ni Duterte, may yara sang mga iregularidad sa tunga sang National Expenditure Program (NEP) nga ginpasa sang ehekutibo kag sa General Appropriations Act (GAA) nga amo naman ang ginpasar sang Kongreso.
Halimbawa suno sa iya, may mga proyekto sa GAA nga wala sa NEP.
Ini nga mga gindugang-dugang ukon “insertions” suno sa iya ang nagapakita sang “impluwensya” sa liderato sa Kamara.
“Makikita mo na project ng, o yung budget ng Pangulo o Executive Department ay nasa NEP. Yun ay sina-submit sa Congress. Pagdating sa GAB… at pagdating sa GAA… makikita mo ang daming project doon na wala sa NEP. Yun pa lang, ebidensya na yun,” suno sa vice president sa isa ka interview subong nga adlaw.
Diri kag ginsal-ot sini ang papel ni former House Speaker Martin Romualdez nga pakaisa ni Marcos.
“Pagdaan sa House, lumobo yung pera… Siyempre yung leader, yung speaker,” pahayag ni Duterte.
Matandaan nga nagsugod ang imbestigasyon sa flood control sang ginmandu ini mismo ni Marcos sa iya nga State of the Nation Address (SONA). Sang Agusto, ginpasagunsunan pa ini sang isa ka statement nga 20% sang mga flood control projects sang gobyerno ang nagkadto sa 15 lamang ka mga kontraktor.
Pahayag naman ni Duterte, dapat nga manabat man mismo si Marcos bangud siya man ang nagpirma sang 2025 GAA rason nga napasar ini bilang layi.
“Dapat isali si Bongbong Marcos. Kasi siya ang pumirma ng 2025 GAA,” suno sa iya. “Lahat ng mga anomalya doon, kasama iyong pangulo. Kasi naging batas lang naman yun dahil sa pirma niya.”
Nagdugang pa ini nga dapat man presuhon ni Marcos ang iya kaugalingon: “Oo, pwede na niyang ikulong ang sarili niya… meron siyang malaking pagkukulang sa kanyang trabaho para sa ating bayan.”
Antes ini nga statement ni Sara, matandaan nga nauna na nga nagpahayag si Marcos nga ang mga attempt nga i-implicate siya sa flood control scandal ang nagatuyo lamang nga pahalinon siya sa pwesto.
Sang Septyembre, matandaan nga nagpahayag siya nga may mga tawo sa oposisyon nga luyag nga ilakip siya sa eskandalo sa flood control, apang dugang niya, pulitika lang ini tanan.#
