Gindagdagan liwat sang Sandiganbayan Special Third Division si Janet Lim Napoles sang reclusion perpetua ukon hasta 80 ka tuig nga pagkakurong matapos nga napamatud-an nga guilty sa duha ka counts sang malversation of public funds nga may kahilabtanan sa indi-legal nga paggamit sang PDAF sang anay napatay nga si Benguet Representative Samuel Dangwa nga naglab-ot sa P19 milyon.
Suno sa layi, ang malversation nga nagalab-ot sa masobra P8.8 milyon mahimo silutan sang reclusion perpetua, nga may sentensya nga 20 ka tuig kag isa ka adlaw tubtob 40 ka tuig nga pagkapreso.
Sa iban pa nga malversation cases, si Napoles kag pila ka akusado ginsilutan man sang Reclusion temporal hasta 20 ka tuig nga pagkapriso kag Prision mayor hasta 12 ka tuig nga pagkapriso.
Samtang, may iban man nga gin-acquit bangud wala napamatud-an sang prosekusyon ang ila sala beyond reasonable doubt.
Sa madumduman nga sang 2018, ginsilutan man si Napoles sang reclusion perpetua matapos napamatud-an nga guilty sa plunder.
