Napierde sa kaso ang isa ka empleyada sa Alicante, Spain matapos niya nga ginkasuhan ang iya nga employer bangud sa unfair dismissal.
Ang rason sang pagpahalin sa iya amo ang masami nga pagsulod sa trabaho sang tuman ka aga.
Suno sa report, naandan sang babaye nga magsulod sa opisina sang 6:45 sang aga bisan pa nga 7:30 pa ang iya nga shift.
Ginrason sang kompaniya nga nagresulta ini sa problema bangud wala man ini sang ulubrahon sa amo nga oras.
Ginpaandaman na ini sang 2023, apang ginbalewala niya ini tubtob nga ginpahalin siya sa ubra.
Sa desisyon naman sang korte, nagpabor ini sa employer bangud ang pagpakatig-a sang babaye ang makabig nga “disloyalty,” “breach of trust,” kag “disobedience,” nga bastante nga rason agud kakson ini sa trabaho.
