Lunsay na napasakaan sang kaso ang tatlo ka mga tawo nga na-involve sa indiscriminate firing sa Western Visayas kadungan sang holidays.
Ginkumpirma ini ni Police Major Lailyn Sencil, spokesperson sang Police Regional Office VI.
Kun pahat-pahaton ang rekord sang talatapan, sa Estancia, isa ka pulis ang na-involve sa insidente sang Disyembre 22. Isa naman ka biktima ang naiguan sa tiil sa kaso sang pagpalupok sa Pavia sang Disyembre 25; kag sang Disyembre 31 naman, nagpalupok ang suspek sa atubang sang biktima sa sulod sang boardinghouse sa Sta. Barbara.
Magluwas diri, may duha man ka kaso sang stray bullet incidents sa rehiyon nga ginalakipan sang isa sa Kalibo, Aklan, kag isa sa Mina, Iloilo.
As of January 2, naglab-ot sa 63 ang firecracker-related incidents ang napagkit sang PRO 6. Ini ang 72.84% nga mas manubo ipaanggid sa 232 cases nga na-rekord sang tinalikdan nga tuig kadungan sang selebrasyon sang Paskwa kag pagsug-alaw sang Bag-ong Tuig.#
