Patay ang anom ka indibidwal sa Pakistan matapos magluntad ang isa ka lapnagon nga sunog sa Karachi City.
Ginguba sini ang pila ka bahin sang shopping center sa historic downtown sang nasambit nga syudad sa Pakistan.
Gilayon naman ini nga ginpalong sang mga bumbero agud nga pauntaton ang paglapta sang kalayo sa mga negosyo sang mga tawo didto.
Suno sa isa ka police surgeon sang Karachi City, anum ka mga bangkay ang gindala sa Civil Hospital sang Karachi kag may 11 ka tawo ang nasamaran.
Dugang pa diri, ginpatuman man sang mga pulis ang “mass disaster protocols.”
Suno sa awtoridad narusdak ang pila ka bahin sang building kag padayon nga naga-bantay ang mga rescue official sa kabilugan nga pagkaguba sang nasambit nga estruktura.
