Mabilog sa Senado: ‘Nakakahiya sila!’

Gintawag ni former Iloilo City Mayor kag newly appointed Department of Interior and Local Government (DILG) Undersecretary Jed Patrick Mabilog nga “makahuluya” ang nagakatabo subong sa Senado.

Kabahin ini sang speech ni Mabilog bilang guest speaker sa 2026 Undergraduate Commencement Exercises sang West Visayas State University (WVSU) sa Quezon Hall Grounds kahapon, Hunyo 4.

Sa iya commencement address, ginpahanumdom ni Mabilog sa atubang sang 1,441 baccalaureate graduates nga makabig lamang nga “ambisyon” ang klase sang liderato nga wala sang “serbisyo.”

“Leadership without service is merely ambition just like what is happening today,” pahayag ni Mabilog. “Look what is happening in the Senate Halls of today. Nakakahiya sila! Para silang mga hindi Pilipino na binigyan natin ng pagkakataon para mag-serbisyo sa atin, para mag-serbisyo sa ating bayan, para mag-serbisyo sa ating pungsod Pilipinas.”

Diri na kag ginpahanumdom sini sa graduates ang importansya sang karakter.

“Titles do not make leaders, character does. Positions come and go, but character remains. Degrees might open doors, character keeps them open,” dugang sang DILG official.

Alumnus si Mabilog sang Class of 1987 sang WVSU nga may degree sa Biological Science.

Gin-appoint siya sang Malacañang bilang undersecretary sang DILG sang Mayo 2026.

Wala-tuo nga kontrobersiya kag tensyon ang ginaatubang subong sang Senado nga naglab-ot sa pagtunga sang upper chamber sa duha ka faction — ang Cayetano Bloc kag ang Gatchalian Bloc.

Antes sini, may serye pa sang ginamo kaangay sang shooting sang Mayo 13; pagpalagyo ni Senator Bato dela Rosa bangud sang standing ICC arrest warrant; walkout sang minority group bangud sang pagduso sang majority sang online participation sang iban nga senador; pagdakop kay Jinggoy Estrada bangud sang kaso nga plunder; kag tatlo ka session days nga wala nagsipot ang grupo nanday Cayetano.#

(Screengrab: WVSU/Facebook)