Nag-abante na si Erling Haaland kag ang Norway sa Round of 16 sang FIFA World Cup 2026 matapos ginlutos sa Round of 32 ang Ivory Coast, 2-1.
Naka-goal para sa Norway sa first half si Antonio Nusa sa ika-39 nga minuto.
Sa second half, napatasan ini sang Cote d’Ivoire paagi kay Amad Diallo sa 74th minute, apang gilayon ini ginbalusan ni Haaland sa 86th minute.
Ini ang ika-lima nga goal ni Haaland sa sini nga tournament, pangaduha na kay Lionel Messi nga may pito ka goals.
Gintinguhaan pa sang Ivory Coast nga maka-diretso sa 30 minutos nga extra time paagi sa paghatag sang pressure sa Norway apang na-save ni Ørjan Nyland ang free kick ni Amad Diallo sa final minutes.
Ini man ang una nga tion nga nakasulod ang Norwegians sa Round of 16 halin sang 1998.
Sunod nga atubangon nanday Haaland ang Brazil nga five-time champions kag winningest team sa World Cup nga amo ang naglutos sa Japan sa ikaduha nga adlaw sang knockout stage.
