Nag-file sang certificate of candidacy (COC) si Dasmariñas City Mayor Jennifer Austria-Barzaga para sa pagka-kongresista sang 4th District sang Cavite.
Luyag ni Mayor Barzaga nga mabuslan ang nabakante nga puwesto sa House of Representatives nga ginbayaan sang iya anak nga si anay Cavite 4th District Representative Kiko Barzaga.
Suno sa alkalde, handa siya sa pagserbisyo sa mas mataas nga posisyon kun amo ini ang ihatag nga mandato sang pumuluyo.
“With your trust and support, I remain committed to serving every Dasmarineño and continuing the progress of our beloved City of Dasmarinas,” pahayag sang iloy nga Barzaga.
Ginpaathag naman sang Commission on Elections (Comelec) nga kun magmadinalag-on si Barzaga sa eleksyon, kinahanglan nga magpanaog siya sa iya puwesto subong bilang alkalde sang Dasmariñas agud mangin miyembro sang Kamara.
Matandaan nga ginsipa halin sa Kamara si Kiko Barzaga sang Hunyo 2, 2026.
Nagdangat sa 265 ang ka mga kongresista ang nagboto-pabor sa pag-expel sa iya; 14 ang nagpamalabag; kag walo ang nag-abstain.
Ini ang kasunod sang rekomendasyon halin sa Committee on Ethics and Privileges matapos ginpahayag nga guilty si Barzaga sang disorderly behavior, conduct unbecoming, kag violations sang House Code of Conduct.
Antes sa amo nga desisyon sang lower chamber, duha ka beses na nga nadagdagan ang 27-anyos nga anay kongresista sang 60 ka adlaw nga suspension bangud sa iya aktwasyon sa chamber.
