Nanindugan ang Malaysia sa ila polisa batok sa mga Israeli nationals bisan pa may pressure halin sa pila ka mga mamalidha sang Estados Unidos nga suspendihun ang military training funds nga ginahatag sa ila.
Ini bangud luyag sang pila ka mga opisyal sang Estados Unidos nga kaksun ang polisa nga pag-ban sang Malaysia sa mga Israeli national sa ila pungsod.
Suno sa Malaysia, wala sila sang plano nga bag-uhon ang ila nga pagsulundan kun sa diin nagpahayag man ini nga wala sang kinamatarong ang USA nga diktahan ang ila pungsod sa ila nga mga desisyon.
Nahibaluan nga kilala nga supporter sang Palestine ang Malaysia nga madugay na nga wala sang diplomatic relations sa Israel nga isa man sa rason kun ngaa aktibo ini sa pagpa-deport sa mga Israeli nga nagapadulong sa ila nga pungsod.
