Ginpabugal ni Department of Education Secretary Sonny Angara ang pag-improve sang performance sang Pilipinas sa 2025 Programme for International Student Assessment (PISA).
Kadungan ini sang iya pagtambong sa pinakauna nga Literacy and Numeracy Expo cum Training of Trainers on the Institutionalization of Technical Assistance on Instructional Delivery sa Punta Villa Resort Inc., Iloilo City subong nga adlaw.
Sa iya nga mensahe, ginkalipay ni Angara nga wala na nalakip ang Pilipinas sa 10 nga pinakamanubo nga performing countries, kumparar sang 2018 kag 2022 kun sa diin nalakip ang pungsod sa anom nga pinakamanubo nga puwesto.
Sa pihak sini, gin-ako sang tiglikom nga wala pa nalab-ot sang Pilipinas ang top 10, gani kinahanglan nga padayunon ang mga tikang agud mapataas ang kalidad sang edukasyon sa pungsod.
Ginpasalamatan naman ni Angara ang mga manunudlo, opisyal sang Department of Education (DepEd), local government units, ginikanan kag iban pa nga sektor nga nagabuligay agud mapaayo ang resulta sang mga assessment.
Ginhatagan sini igtalupangod ang importansya sang pagpabaskog sa mga nagapanguna nga skills sang mga estudyante, partikular sa pagbasa, pagsulat kag matematika.
Ginalauman man nga makabulig sa pagsolbar sa learning gaps ang pagpatuman sang Academic Recovery and Accessible Learning (ARAL) Program sa bilog nga pungsod.
