Nag-umpisa na ang Commission on Election (Comelec) sang procurement process para sa 2028 national and local elections apang possible nga mabuhinan ang mga voting machines kag polling precincts bangud naglab-ot sa P15 billion ang nabuhinan sa ginaduso nga 2027 budget sang ahensya.

Ginpahayag ni Comelec Chairman George Erwin Garcia nga mahimo magresulta nga pagdamo ang mga botante kag possible nga maglab-ot sa 74 ka million sa mga presinto kag maglawig ang pila sa adlaw sang eleksyon.

Dugang pa niya, nagapadayon na ang bidding para sa Online Ballot and Counting System (OBCS) kag ang transmission requirements kadungan sang procurement sang mga voting machines nga gina-ekspektar nga makumpleto sa Nobyembre tubtob Disyembre.

Nag-apela man ang poll body sa Kongreso nga mabalik ang pondo agud ma-accommodate ang nagadamo nga mga botante halin 55 million sang 2022, 68 million sang 2025 midterm election kag ginapaabot nga mataas sa 74 million sa 2028.

Ginatinguhaan sang Comelec nga paga-limitahan ang numero sang mga botante sa 600 sa tagsa ka mga presinto apang bangud sang kakulangan sa pondo mahimo lamang nga mas madamo i-accommodate nga mga botante.