Padayon pa nga nagabaskog ang Bagyo Egay kag malapit na lang mahimo nga isa ka Super Typhoon.
Ulihi ini nga nakit-an sa kalayuon nga 350 km nasidlangan sang Tuguegarao City, Cagayan, dala ang kabaskugon sang hangin nga 175 km/h malapit sa sentro kag pagmadlos nga tubtub sa 215 km/h.
Padayon ini nagahulag pa-nakatundan naaminhan nakatundan sa kadasigon nga 15 km/h.
Yari ang mga lugar nga napaidalom sa Signal Number 3: Babuyan Islands, northern and eastern portions sang mainland Cagayan, northeastern portion sang Isabela, kag ang northern portion sang Apayao.
Napasaka naman sa Wind Signal Number 2 ang Batanes, nabilin nga bahin sang mainland Cagayan, nabilin nga bahin sang Isabela, Quirino, ang northern portion sang Nueva Vizcaya, nabilin nga bahin sang Apayao, Kalinga, Abra, Mountain Province, Ifugao, ang northern portion sang Benguet, Ilocos Norte, Ilocos Sur, ang northern kag central portion sang Aurora.
Nagapabilin sa Wind Signal Number 1 ang La Union, Pangasinan, nabilin nga bahin sang Benguet, nabilin nga bahin sang Nueva Vizcaya, nabilin nga bahin sang Aurora, Zambales, Bataan, Nueva Ecija, Tarlac, Pampanga, Bulacan, Metro Manila, Rizal, Laguna, Cavite, Batangas, Quezon, Marinduque, Camarines Norte, Camarines Sur, Catanduanes, Albay, Sorsogon, ang northern portion sang Masbate lakip na ang Burias kag Ticao Islands.
Sa Visayas, Wind Signal Number 1 sa Northern Samar, ang northern portion sang Samar, kag ang northern portion sang Eastern Samar.
Pabaskugon sang bagyo ang Habagat ukon ang Southwest Monsoon gani lauman nga maga-ulan-ulan pati sa mga lugar nga wala sang wind signal.
Gina-forecast nga magabaskog pa ini kag mahimo nga super typhoon sa sulod sang 12 ka oras. Sa track forecast, posible nga buwas pa sa gab-i ukon sa Huwebes sang aga magaguwa si Egay sa Philippine Area of Responsibility. #
