ILOILO CITY – Napatuman sang maayo sang pamunuan sang La Paz Public Market ang ginmandu ni Presidente Rodrigo Duterte nga Oplan Hawan.
Sa interview sang Bombo Radyo kay Raymond Hortillas, Markert-In-Charge sang La Paz Public Market, iya ginpahayag nga ginsugurado niya nga natapos ang pagpanghawan sa nasambit nga merkado.
Samtang may kaangtanan naman sa kakulangan sang parkingan sa nasambit nga merkado, ginpahayag no Hortillas nga wala sila sang may mahimo kag ginasunod lang nila ang ginmandu sa ila.
Naghingyo naman si Hortillas sa tanan nga mga manugbakal sa merkado nga magbulig sa ila agud mapatuman ang pagpanghawan sa sulod kag saguwa sang merkado.
