]Trigger Warning: Suicide]
(The following article contains details about suicide that may be distressing to some readers. If you or someone you know is struggling, please seek help from a mental health professional or contact a local crisis hotline.)
Patay ang isa ka 16-anyos nga dalagita matapos nga gintiro sini ang iya kaugalingon sa atubang sang iya iloy sa ila balay sa Balamban, Cebu.
Natabo ini matapos nga gin-akigan siya bangud masami ng gab-i na ini nagapauli.
Suno sa imbestigasyon sang Balamban Police Station, ginpalab-ot sang amay sa iya asawa nga nagatrabaho sa Manila ang ginahimo sang ila anak.
Sang mahibaluan sang iloy nga matuod ini paagi sa pagpamangkot sa iya manunudlo nga ginkumpirma nga nagaligoy man ini, nagpauli gilayon ang iloy.
Pag-abot sa ila balay, nagsulod sa kwarto ang iloy agud istoryahon ang anak.
Hinali lang nga may ginhunos ang dalagita nga pusil kag gintaya ini sa iya ulo kag ginpalupok.
Gindala pa ini sa ospital apang ginbawian gid sang kabuhi.
