ILOILO – Nagpanugyan ang Iloilo Police Provincial Office sa publiko nga dapat saulugon ang bag-ong tuig sang matawhay kag malayo sa disgrasya.
Sa interview sang Bombo Radyo kay Police Colonel Roland Vilela, director sang Iloilo Police Provincial Office, iya ginpahayag nga kun mahimo, likawan gid ang pagpalupok sang firecrackers, pyrotechnics kag sang armas luthang.
Suno kay Vilela, dapat nga halungan ang kaugalingon kag dapat man nga maglikaw sa pagpahubog.
Sa deployment naman,18 hours ang duty sang mga pulis sa probinsya sang Iloilo sa diin ang naka day-off nga personnel, ang dapat nga mag report sa pinakamalapit nga police station santo sa mandu sang national headquarters.
