Naka-istoryahanay sa telepono sanday Department of Foreign Affairs (DFA) Secretary Enrique Manalo kag United States Secretary of State Anthony Blinken kun sa diin nalakip sa agenda amo ang pagpabakod pa sang kooperasyon sa tunga sang Pilipinas kag Amerika sa 2024.
Ini nga pag-istoryahanay ang natabo kadungan sang statement sang China nga indi ini magpabulag-bulag sa sulit-sulit nga pagpang-harass sang Piliinas sa West Philippine Sea.
Sa statement naman nga gin-isyu sang US Department of State, nakasaad nga nadiskusyunan nanday Manalo kag Blinken ang nagapadayon nga tensyon sa amo nga teritoryo.
Diri kag ginpasalig liwat sang Amerika nga indi ini magtalikod sa Pilipinas kag may commitment ini sa idalom sang Mutual Defense Treaty.
Pahayag naman sang DFA, ginplastar ni Manalo kay Blinken ang importansya sang mga bukas nga linya sang komunikasyon kag dayalogo sa iban pa nga mga partido.
Una na nga nag-file ang Pilipinas sang diplomatic protests batok sa China bangud sa pagbomba sang water cannons kag mga delikado nga hulag sang China coast guard batok sa resupply boats sang pungsod nga pakadkto sa Ayungin Shoal nga sakop pa sang exclusive economic zone sang pungsod.# (File Photo: REUTERS/Elizabeth Frantz)
