Nagdangat na sa 7,579 ang kaso sang Coronavirus Disease 2019 sa Pilipinas matapos nga madugangan ini sang 285 ka kaso.
Sa nasambit nga numero 862 diri ang nag ayo na samtang 501 naman ang nagkalamatay.
Sa ginpatigayon nga press briefing, ginpahayag ni Department of Health Undersecretary Maria Rosario Vergeire nga balik na sa normal ang operasyon sang Research Institue for Tropical Medicine matapos ini nga malimitahan sang 4 ka adlaw.
Ini matapos magpositibo sa COVID-19 ang 43 ka personnel sang Research Institute for Tropical Medicine.
Sa subong, wala na sang staff ang Research Institue for Tropical Medicine nga naka confine sa ospital samtang ginatapos na lang sang 2 pa ka staff ang ila nga quarantine.
Nanawagan naman si Vergeire sa mga luyag magbakal sang rapid antibody test kits nga nagakadapat nga may reseta ini gikan sa doktor.
Ang mga trained health professional lang ang mahimo makapatigayon sang rapid testing kag hugot nga ginadumilian ang pagbaligya sang kits online.
