Arestado ang isa ka amay kag ikaduha nga asawa nga pareho nga suspek sa pagpatay sa ila pito ka tuig nga bata nga babaye nga nasapwan nga nagalutaw sa Dagupan City, Pangasinan.
Ang biktima amo si alyas Princess, Grade 2 pupil sa Brgy. Bantog, Asingan, Pangasinan.
Suno sa otoridad, mismo ang mga saksi ang nagpahayag nga nakita nila nga ginkidnap sang mga suspek ang bata sa atubang sang ila balay.
Narekober ang bangkay sang biktima nga wala sang bayo sa dagat sang Brgy. Bonuan Gueset, Dagupan City.
Anak sang suspek ang biktima sa una niya nga live-in partner.
Samtang, legal nga asawa subong sang lalaki ang babaye nga suspect.
Nagwa sa imbestigasyon nga pagbalos ang motibo sa amo nga krimen.
Padayon pa ang imbestigasyon.
