ILOILO CITY – Nagdangat na sa 26 ang mga nagkalamatay bangud sa Bagyo Egay.
Sa report sang National Disaster Risk Reduction and Management Council, magluwas sa mga nagkalamatay, nagapabilin sa gihapon nga missing ang 13 ka mga indibidwal.
Pilason naman ang 52 ka mga tawo sa masobra 849 nga typhoon-related incidents.
Ini ang nagikan sa Ilocos Region, Cagayan Valley, Central Luzon, CALABARZON, MIMAROPA, Bicol Region, Western Visayas, Eastern Visayas, SOCCSKSARGEN, kag Bangsamoro Autonomous Region in Muslim Mindanao.
Suno sa ahensya, 675,357 ka mga pamilya ukon 2,476,907 ka mga indibidwal ang apektado sang bagyo.
Nagdangat naman sa 317,975 ka mga tawo ang nadulaan sang balay kag 17,349 ang gin-evacuate.
