Ginalauman sang Department of Agriculture (DA) nga mangin positibo ang local production sang bombay subong nga tuig.
Suno sa ahensya, ang volume sang onion production sa 2024 ang ginalantaw nga magalapaw sa 300,000 metric tons — mas mataas ipaanggid sa 250,000 metriko tonelada nga volume sang production sang 2023 sandig sa datos sang Philippine Statistics Authority.
Suno pa kay DA Spokesperson Arnel de Mesa, ang presensya sang harabas ukon fall army worm ang nakaapekto sa produksyon apang ang ini nga epekto ang napahagan-hagan paagi sa pro-active efforts sang national kag local government.
Dugang sang ahensya, otso porsyento gid lamang sang lokal nga produksyon ang apektado sang amo nga peste sang 2023.
Nagpanugyan man ang ahensya nga nagadapat nga may regular monitoring sa onion farms agud gilayon nga matapna pananglitan may yara sang mga peste ukon ano man nga pagpanghangkat nga posible makaapekto sa kalidad kag volume sang produksyon.
