ILOILO CITY – Nagsugod na ang pagpanagtag sang cash assistance sa banwa sang Bingawan.
Sa interview sang Bombo Radyo kay Bingawan Mayor Mark Palabrica, nahisugtan nila nga kwarta nalang ang ipanghatag sa mg pumuluyo sa baylo nga relief goods.
Suno kay Palabrica, ini na ang ika-tatlo nga wave sang ila nga bulig sa mga pumuluyo ga apektado sang ginpatuman nga enhanced community quarantine bangud sa COVID-19.
Ginsiguro man sang alkalde nga tanan nakabaton sang nasambit nga mga bulig nga wala sang pinilian kada pamilya ilabi na ang cash assistance.
Dugang sang natungdan, may yara naman sila sang gintukod nga LGU mini market agud indi na mabudlayan pa ang mga pumuluyo kag indi na sila magwa pa sa banwa sang Bingawan ang mga tawo agud mamalaklon sang ila nga kinahanglan.
