ILOILO – Nagpatawag sang orientation ang Department of Interior and Local Government 6 sa mga alkalde sa probinsya sang Iloilo natuhoy sa pagpatukod sang Provincial Task force batok sa insurhensya.
Sa interview sang Bombo Radyo kay Department of Interior and Local Government provincial director Teodora Sumagaysay, iya ginpahayag nga ang nasambit nga orientation ang gintambungan sang anum ka mga alkalde sa probinsya sang Iloilo, anum ka chief of police kag anum ka municipal ukon government operations officers.
Suno kay Sumagaysay, nag set na sila sang deadline sang pagpasa sang joint resolution sa paghimo sang municipal task force sa anum ka mga kabanhawanan.
Sa subong suno sa natungdan, may yara na sang duha nga nakapasa nga amo ang banwa sang Calinog kag Tubungan.
Patigayunon naman subong ang orientation sang Janiuay, kag sa madason naman nga semana amo ang banwa sang Lambunao kag Alimodian.
Dugang sang natungdan, nahisugtan sa nasambit nga orientation nga bag-o matapos ang bulan sang Nobyembre nagakadapat nga makapasa na ang anom ka mga kabanhawanan sang joint resolution.
